МАГИСТЕРСКИ ТРУД-САШО СТЕФАНОВСКИ

Автор: Сашо Стефановски
Наслов: Информациските форми и чинители во процесот на трансформација на медиумите
Година: 2018
Студиска програма: Студии на политиките

Апстракт

Светот на традиционалните медиуми се наоѓа во процес на интензивна трансформација под силното влијание на информациско-комуникациските технологии. Во современото дигитално опкружување, приматот го преземаат новите медиуми, при што интерактивноста се јавува како доминантна карактеристика на електронските медиумски изданија, овозможувајќи двонасочна комуникација помеѓу медиумските креатори и корисниците.

Овој магистерски труд ги анализира трендовите и карактеристиките на медиумите во новото културолошко и технолошко окружување, со посебен фокус на процесите на конвергенција, интерактивност, хипертекстуалност и мултимедијалност. Трудот ја разгледува трансформацијата на традиционалните медиуми во контекст на нивните онлајн изданија и новите можности што ги нуди интернетот, како што се моменталното објавување на содржини, постојаното ажурирање, интеракцијата со корисниците и архивирањето на информации.

Посебно внимание е посветено на улогата на медиумите како влијателни чинители во општествените процеси, при што нивното дејствување е условено од уредувачката политика, технолошката инфраструктура и културниот контекст. Анализата придонесува кон подобро разбирање на трансформацијата на медиумите и нивната функција во дигиталната ера.