ЗАЈАКНУВАЊЕ НА КАПАЦИТЕТИТЕ КОН ЕФЕКТИВНИ ПОЛИТИКИ ЗА РОДОВА ЕДНАКВОСТ ВО МАКЕДОНИЈА

Институтот го спроведе проектот „Зајакнување на капацитетите на локалната самоуправа и локалните активисти за остварување и креирање на ефективни политики за родова еднаквост во Република Македонија“.

Проектот започна со реализација во ноември 2012 година и заврши во декември 2013 година. Истражувањето беше со финансиска поддршка од UN Women, а се реализираше во соработка со Акција Здруженска.

Главната цел беше зајакнување на капацитетите на претставниците на локалната самоуправа и локалните активисти, односно женските невладини организации преку развивање на знаењата и вештините за воведување на родовите прашања во документите, политиките и активностите на локалната самоуправа.

Идејата беше да се воспостави дијалог меѓу локалната самоуправа и локалните НВО-а и мрежи кој резултираше со ревизија на политиките и документите според идентификуваните потреби и приоритети на локално ниво преку партиципативен процес. Долгорочно, проектот нуди препораки и модел за демократски начини за имплементирање на родово сензитивна димензија при развивањето на политиките, документите и механизмите на единиците на локална самоуправа.